درد درون دل

ایک دن گھر کے سارے باشندے نانی کے یہاں گئے تھے میری ماں نے جاتے وقت مجھ سے کہا بیٹا تم گھر میں رہنا اور گھر کا خیال رکھنا
میں نے کہا ٹھیک ہے ماں آپ مطمئن رہیں میں خیال رکھ لوں گا
سب چلے گئے میں گھر میں اکیلے بچ گیا تھا
گھر میں اکیلے رہنا ہر چیز کا خیال رکھنا میرے لیے یہ غالبا پہلی مرتبہ تھا

اچانک بکری کے چیخنے چلانے کی آواز کانوں سے ٹکرائی میں جا کر دیکھا تو بکری ایک کھٹے سے بندھی ہوئی تھی میں نے اسے امرود کے پتے توڑ کر دیے لیکن وہ نہیں کھائی پھر “مار” (چاول کو پکانے کے بعد جو پانی اس سے نکلتا ہے وہ) دیا لیکن وہ بھی نہیں پی، اور چیختی رہی کچھ دیر بعد خود چپ ہو گئی

مجھے یہ بات سمجھ میں نہیں آئی میں آخر اس بکری کے ساتھ ماجرا کیا تھا؟

ایک دن ہم سب گھر میں تھے اور پھر ویسے ہی بکری چیخنے لگی میں نے اپنی ماں سے پوچھا
ماں یہ بکری چیختی چلاتی کیوں ہے اتنا آواز کیوں کرتی ہے اتنا شور کیوں مچاتی ہے ؟

تو میری ماں نے کہا بیٹا دو بکری ہے جب ایک بکری کہیں چلی جاتی ہے اور وہ نظر نہیں آتی ہے تو دوسری بکری اسے ڈھونڈنے کے لیے آواز بلند کرتی ہے چیختی چلاتی ہے

تب مجھے اس دن کی بات یاد آئی کہ جو بکری چارہ دیکھ کر چپ نہیں ہوئی تھی وہ اچانک چپ کیسے ہو گئی تھی ؟

وہ اس لیے کہ دوسری بکری چھت کے اوپر چلی گئی تھی میں اس کو وہاں سے بھگا کر دوسری بکری کے پاس بھیج دیا تھا جس کو دیکھنے کے بعد وہ بکری چپ ہو گئی تھی

یہ ایک جانور بے زبان کی محبت دوسرے جانور کے لیے ہے
کہ بنا دیکھے اسے چین نہیں ملتا ہے۔۔۔۔۔۔۔۔۔وہ سوچتا ہے کہ اسے کچھ ہو تو نہیں گیا؟۔۔۔۔۔۔۔۔۔۔۔ کہیں کسی نے مار تو نہیں دیا؟
بنا اس کے چارہ کھانا بھی پسند نہیں کرتا
لیکن افسوس انسان پر سارا جہاں ماتم کناں ہے کہیں بیٹا مارا جا رہا ہے کہیں باپ بندوق کا رزق بن رہا ہے کہیں چاچا کی نعش شاہ راہ عام پر تڑپ رہی ہے لیکن انسان تماشائی بنا دیکھ رہا ہے جانور تو آواز اٹھاتا ہے لیکن انسان آواز نہیں اٹھاتا ہے
جانور تو دوسرے کے بغیر چارہ کھانا بھی گوارہ نہیں کرتا ہے لیکن انسان تو دوسرے انسان کا حق مار کر کھانے میں کچھ تامل نہیں کرتا سی جان جا رہی ہے لیکن اسے کچھ فکر نہیں ہے اگر فکر ہے تو بس اپنی فکر ہے

جبکہ ان تڑپتے ہوئے تن بے جان سے آواز آتی ہے

ہماری فریاد کو پہنچو اے مسلمانو جاگو ہمیں انصاف دو ورنہ تمہاری بھی اینٹ سے اینٹ بجا دی جائے گی تم بھی ایسے شاہ راہ عام پر بے یار و مددگار پڑے رہوگے کوئی پرسان حال نہ ہوگا ماؤں بہنوں بیٹیوں کی عزتیں تار تار ہو جائیں گی
یہ زمین قیامت زدہ ہولناک وحشت ناک گھٹا ٹوپ بادلوں سے ڈھانپ دی جائے گی

ابھی وقت ہے ہمارا کیا ہم تو چل بسے لیکن خدارا ہماری آنے والی نسل پر رحم کھاؤ ہماریوں بیٹیوں کی عزت پر پہرہ دو

@ہماری آہ و زاری سن کے بھی خاموش ہو کیونکر
ہماری اجڑی بستی دیکھ کر مدہوش ہو کیونکر
ستم کے یہ نظارے دیکھ کر بھی سوچتے کیا ہو
کبھی گردن کبھی چہرہ کبھی سر نوچتے کیا ہو
خلافِ ظلم واعظ گر نہیں آواز اٹھاؤ گے
وہ ساعت آنے والی ہے کہ تم بھی مارے جاؤ گے
اگر احساس باقی ہے تمہارے دل میں یک ذرہ
نبھاؤ رسم شبیری بدل دو نقشۂ دنیا

کیا تم نہیں جانتے کہ اسلام میں مسلمان کی عزت و حرمت کا کیا مقام ہے؟

احکام القرآن جلد ۲ ص ۸۷۶ میں ابوبکر ابن العربی رقمطراز ہیں

اگر چہ ان کے علاقے اور ممالک مختلف ہی ہوں اور جیسے بھی ممکن ہو یہ مدد کرنا ضروری ہے جملہ ائمہ کرام اور علما اس بات پر متفق ہیں کہ جو مسلمان اپنے غریب مظلوم اور کمزور مسلمان بھائیوں کی مدد کرنے پر قادر ہوں اگر چہ یہ دنیا کے کسی کونے میں ہوں اور پھر بھی انہوں نے اگر مظلوم و مقہور مسلمانوں کی مدد نہ کی تو یہ گناہ کبیرہ کے مرتکب ہوں گے۔

ابو بکر ابن العربی فرماتے ہیں: جب مسلمان قیدی ہوں یا مظلوم تو شرعی ولایت کا تعلق ان کے ساتھ بھی قائم ہے اور بدن کے اعتبار سے ان کی نصرت واجب ہے ہم پر لازم ہے کہ ہم انھیں طاقت کے ساتھ قید سے چھٹکارا دلائیں ورنہ اپنے جمیع اموال خرچ کرکے ان کو نجات دلائیں حتی کہ کسی کے پاس کوئی درہم نہ بچے۔

کیا آج کے سارے قائدین رہبر و رہنما و سردار، صاحب جبۂ و دستار خطباء شعلہ بار امراء کبار اپنے سارے اموال راہ حق میں خرچ دیے اور ان کے پاس ایک درہم بھی نہیں بچا؟

کیا ان کے پاس جسمانی قوت نہیں،
کیا ان کے منہ میں زبان نہیں خدارا اب ہم سے نعرۂ مصلحت نہ لگوائیں

ہماری زبان سے مصلحت کے ترانے سن کر صلاح الدین ایوبی خالد بن ولید محمد ابن قاسم ٹیپو سلطان علھہم الرحمۃ و الرضوان کی روحیں کہیں شرمندہ نہ ہو جائیں

ہمارے مصلحت آمیز ترانے سن کر کہیں شاہ راہ عام پر تڑپتی ہوئی نعشیں ہمیں دھتکار نہ دیں

للہ للہ اب بھی وقت ہے ایک ہو جاؤ امت مسلمہ کی خیر خواہی کے لیے کمر بستہ ہو جاؤ
گیدڑ کی سو سالہ زندگی سے بہتر ہے شیر کی ایک دن کی زندگی جی کر دنیا کو یہ پیغام دے جاؤ

@نہ سر جھکا کے جیے نہ منہ چھپا کے جیے
ستمگروں کی نظر سے نظر ملا کے جیے
ہم دو دن کم جیے تو اس میں حیرت کیا
ہم اس کے ساتھ ہیں جو شمع جلا کے جیے

کیا اتنا سب کچھ ہونے کے بعد بھی کچھ مصلحتیں باقی رہ گئیں ہیں اب کس دن کے انتظار میں ہیں ؟

کیا ان تڑپتے ہوئے نعشوں کو دیکھ کر آپ کا دل نہیں کہتا

@مظلوم کا سینہ ہے یا دنیائے فغاں ہے
ہر آہ میں کہرام بپا در تن و جاں ہے

@روتی ہوئی آنکھوں سے یہ آتی ہیں صدائیں
آواز دو انصاف کو انصاف کہاں ہے
یہ اہل حکومت ہے ترا حامی و ناصر
یہ خانۂ اذہان کا بس وہم و گماں ہے
الفاظ کی بندش نہیں شیوہ ہے ہمارا

@اک درد ہے جو دل میں وہ لفظوں سے عیاں ہے
دیکھو گے جسیم اس کو وہ لٹ جائے گا اک دن
ہاتھوں میں دھرے ہاتھ جو خاموش زباں ہے

Scan this QR code to read online: