یہ مضمون بک مارک ہو چکا ہے!
یہ مضمون بک مارک ہو چکا ہے!
یہ مضمون بک مارک ہو چکا ہے!
شخصیات اسلاف واخلاف
علامہ مبارک حسین مصباحی: صحافت کے ایک درخشاں باب کا اختتام!
علامہ مبارک حسین مصباحی: صحافت کے ایک درخشاں باب کا اختتام!
(حافظ)افتخاراحمدقادری
موت ایک ایسی اٹل حقیقت ہے جس کے سامنے ہر ذی روح کو سرِ تسلیم خم کرنا پڑتا ہے۔ دنیا کی ساری رونقیں، جاہ و حشمت کی تمام جلوہ سامانیاں، اقتدار و اختیار کی تمام رعنائیاں اور علم و فضل کی تمام رفعتیں بالآخر اسی منزلِ فنا پر آکر ختم ہو جاتی ہیں جہاں انسان اپنی ظاہری حیات کے سفر کو مکمل کرکے عالم بقا کی جانب کوچ کر جاتا ہے۔ تاہم بعض شخصیات ایسی ہوتی ہیں جن کا انتقال محض ایک فرد کی وفات نہیں بلکہ ایک عہد کے اختتام، ایک دبستان کے سکوت اور ایک روشن باب کے بند ہو جانے کا اعلان محسوس ہوتا ہے۔ ایسی ہی ایک نابغہ روزگار، صاحبِ علم و قلم، خوش خصال اور باوقار شخصیت حضرت علامہ مولانا مبارک حسین مصباحی کی تھی جن کے انتقال کی اندوہناک خبر نے علمی و صحافتی اور دینی حلقوں کو سوگوار کردیا۔
* حضرت علامہ مبارک حسین مصباحی" ان شخصیات میں شمار ہوتے تھے جنہوں نے اپنی پوری زندگی علمِ دین کی اشاعت، تدریس و تربیت، تصنیف و تالیف اور صحافتی خدمات کے لیے وقف کردی تھی۔ آپ کا شمار ان اکابر اہلِ علم میں ہوتا تھا جن کے وجود سے جامعہ اشرفیہ مبارک پور کی علمی فضائیں معطر تھیں اور جن کے قلم کی جولانیاں ماہنامہ اشرفیہ کے صفحات کو وقار و اعتبار بخشتی تھیں۔ آپ نہ صرف ایک جید عالمِ دین تھے بلکہ ایک صاحبِ طرز ادیب، بالغ نظر صحافی، مدبر مدیر اور با اخلاق مربی بھی تھے۔ آپ کی علمی شخصیت کا سب سے نمایاں پہلو یہ تھا کہ آپ نے درسِ نظامی کی تدریس کو محض ایک پیشہ نہیں بلکہ ایک مقدس امانت سمجھا۔ آپ کی تدریسی نشستیں محض کتابی معلومات کی ترسیل کا ذریعہ نہ تھیں بلکہ وہ علمی بصیرت، فکری بالیدگی اور اخلاقی تربیت کا حسین امتزاج ہوتی تھیں۔ آپ کے تلامذہ اس حقیقت کے گواہ ہیں کہ آپ درس دیتے ہوئے مشکل ترین مباحث کو بھی اس قدر سہل اور عام فہم انداز میں بیان فرماتے کہ طلبہ کے اذہان میں علمی عقدے ازخود وا ہو جاتے۔ آپ کے لہجے میں وقار، انداز میں متانت اور گفتگو میں علم و حکمت کی چاشنی نمایاں ہوا کرتی تھی۔
علامہ مبارک حسین مصباحی: صحافت کے ایک درخشاں باب کا اختتام!
مضمون نگار: Hafiz Md Iftikhar Ahmad Qadri
علامہ مبارک حسین مصباحی: صحافت کے ایک درخشاں باب کا اختتام!
(حافظ)افتخاراحمدقادری
موت ایک ایسی اٹل حقیقت ہے جس کے سامنے ہر ذی روح کو سرِ تسلیم خم کرنا پڑتا ہے۔ دنیا کی ساری رونقیں، جاہ و حشمت کی تمام جلوہ سامانیاں، اقتدار و اختیار کی تمام رعنائیاں اور علم و فضل کی تمام رفعتیں بالآخر اسی منزلِ فنا پر آکر ختم ہو جاتی ہیں جہاں انسان اپنی ظاہری حیات کے سفر کو مکمل کرکے عالم بقا کی جانب کوچ کر جاتا ہے۔ تاہم بعض شخصیات ایسی ہوتی ہیں جن کا انتقال محض ایک فرد کی وفات نہیں بلکہ ایک عہد کے اختتام، ایک دبستان کے سکوت اور ایک روشن باب کے بند ہو جانے کا اعلان محسوس ہوتا ہے۔ ایسی ہی ایک نابغہ روزگار، صاحبِ علم و قلم، خوش خصال اور باوقار شخصیت حضرت علامہ مولانا مبارک حسین مصباحی کی تھی جن کے انتقال کی اندوہناک خبر نے علمی و صحافتی اور دینی حلقوں کو سوگوار کردیا۔
* حضرت علامہ مبارک حسین مصباحی" ان شخصیات میں شمار ہوتے تھے جنہوں نے اپنی پوری زندگی علمِ دین کی اشاعت، تدریس و تربیت، تصنیف و تالیف اور صحافتی خدمات کے لیے وقف کردی تھی۔ آپ کا شمار ان اکابر اہلِ علم میں ہوتا تھا جن کے وجود سے جامعہ اشرفیہ مبارک پور کی علمی فضائیں معطر تھیں اور جن کے قلم کی جولانیاں ماہنامہ اشرفیہ کے صفحات کو وقار و اعتبار بخشتی تھیں۔ آپ نہ صرف ایک جید عالمِ دین تھے بلکہ ایک صاحبِ طرز ادیب، بالغ نظر صحافی، مدبر مدیر اور با اخلاق مربی بھی تھے۔ آپ کی علمی شخصیت کا سب سے نمایاں پہلو یہ تھا کہ آپ نے درسِ نظامی کی تدریس کو محض ایک پیشہ نہیں بلکہ ایک مقدس امانت سمجھا۔ آپ کی تدریسی نشستیں محض کتابی معلومات کی ترسیل کا ذریعہ نہ تھیں بلکہ وہ علمی بصیرت، فکری بالیدگی اور اخلاقی تربیت کا حسین امتزاج ہوتی تھیں۔ آپ کے تلامذہ اس حقیقت کے گواہ ہیں کہ آپ درس دیتے ہوئے مشکل ترین مباحث کو بھی اس قدر سہل اور عام فہم انداز میں بیان فرماتے کہ طلبہ کے اذہان میں علمی عقدے ازخود وا ہو جاتے۔ آپ کے لہجے میں وقار، انداز میں متانت اور گفتگو میں علم و حکمت کی چاشنی نمایاں ہوا کرتی تھی۔
جامعہ اشرفیہ مبارک پور برصغیر کی ان عظیم دینی درسگاہوں میں شمار ہوتا ہے جنہوں نے ہزاروں علماء، فضلاء اور مبلغین تیار کرکے ملتِ اسلامیہ کی علمی ضرورتوں کو پورا کیا ہے۔ اس عظیم علمی مرکز میں علامہ مبارک حسین مصباحی کی خدمات ہمیشہ یاد رکھی جائیں گی۔ آپ نے نہایت خاموشی مگر انتہائی مؤثر انداز میں تدریسی میدان میں وہ کارہائے نمایاں انجام دیے جن کے اثرات آنے والی نسلوں تک محسوس کیے جاتے رہیں گے۔ اگر آپ کی تدریسی خدمات قابلِ رشک تھیں تو صحافتی میدان میں آپ کی عظمت بھی کسی تعارف کی محتاج نہیں۔ ماہنامہ اشرفیہ کے چیف ایڈیٹر کی حیثیت سے آپ نے صحافت کے جس معیار کو برقرار رکھا وہ موجودہ دور میں ایک مثال کی حیثیت رکھتا ہے۔ آج جبکہ صحافت کا ایک بڑا حصہ سطحیت، سنسنی خیزی اور غیر ذمہ دارانہ طرزِ اظہار کا شکار نظر آتا ہے علامہ مبارک حسین مصباحی نے ہمیشہ سنجیدہ، متوازن اور علمی صحافت کی روایت کو فروغ دیا۔ آپ کی ادارت میں ماہنامہ اشرفیہ صرف ایک رسالہ نہیں رہا بلکہ ایک فکری و تحقیقی ادارہ بن گیا۔ اس کے صفحات میں علم و تحقیق کی گہرائی، ادب و انشا کی لطافت اور دینی شعور کی روشنی بیک وقت جلوہ گر نظر آتی تھی۔ خصوصاً سیدین نمبر جیسا شاہکار دیکھ کر آپ کی صحافتی مہارت، تحقیقی بصیرت اور ادبی ذوق کا بخوبی اندازہ لگایا جاسکتا ہے۔ ایسے خصوصی شمارے کسی ایک شخص کی محنت، مطالعے اور فکری وسعت کے بغیر ممکن نہیں ہوتے اور یہ حقیقت روزِ روشن کی طرح عیاں ہے کہ اس سلسلے میں علامہ مبارک حسین مصباحی کا کردار بنیادی اور ناقابلِ فراموش تھا۔
آپ کی شخصیت کا ایک تابناک پہلو اخلاقِ حسنہ تھا۔
علم بعض اوقات انسان کو متکبر بنادیتا ہے، شہرت بعض اوقات طبیعت میں خودنمائی پیدا کر دیتی ہے اور منصب بعض اوقات انسان کے مزاج میں سختی پیدا کر دیتا ہے لیکن علامہ مبارک حسین مصباحی ان تمام کمزوریوں سے پاک تھے۔ آپ جتنے بڑے عالم تھے اتنے ہی منکسر المزاج بھی تھے۔ جتنے ممتاز صحافی تھے اتنے ہی خوش اخلاق بھی تھے۔ جتنے باوقار استاد تھے اتنے ہی مشفق مربی بھی تھے۔ طلبہ سے آپ کا تعلق محض استاد و شاگرد کا نہ تھا بلکہ ایک شفیق باپ اور مہربان سرپرست کا تھا۔ آپ طلبہ کی علمی رہنمائی کے ساتھ ساتھ ان کی اخلاقی تربیت اور فکری اصلاح کا بھی خصوصی اہتمام فرماتے تھے۔ یہی وجہ ہے کہ آپ کے شاگرد صرف آپ کی علمی قابلیت کے معترف نہیں بلکہ آپ کے اخلاقی کردار کے بھی مداح ہیں۔ راقم الحروف کے ساتھ آپ کے حسنِ سلوک کا ایک واقعہ آج بھی دل و دماغ میں تازہ ہے۔ جب میرے مضامین کا مجموعہ فکری مقالات شائع ہوا تو میں نے حضرت کو فون کیا۔ حضرت نے نہایت شفقت و محبت اور خلوص کے ساتھ گفتگو فرمائی اور دوسرے ہی دن اپنے گرانقدر تاثرات بذریعہ واٹس ایپ ارسال فرما دیے۔ یہ واقعہ بظاہر ایک معمولی معلوم ہوسکتا ہے لیکن حقیقت میں یہ آپ کی وسعتِ قلبی، اہلِ قلم کی قدر شناسی اور علمی حوصلہ افزائی کا واضح ثبوت ہے۔ موجودہ دور میں ایسے بزرگ کم ہی ملتے ہیں جو اپنی مصروفیات کے باوجود نو آموز قلم کاروں کی حوصلہ افزائی کو اپنا اخلاقی فریضہ سمجھتے ہوں۔
علم بعض اوقات انسان کو متکبر بنادیتا ہے، شہرت بعض اوقات طبیعت میں خودنمائی پیدا کر دیتی ہے اور منصب بعض اوقات انسان کے مزاج میں سختی پیدا کر دیتا ہے لیکن علامہ مبارک حسین مصباحی ان تمام کمزوریوں سے پاک تھے۔ آپ جتنے بڑے عالم تھے اتنے ہی منکسر المزاج بھی تھے۔ جتنے ممتاز صحافی تھے اتنے ہی خوش اخلاق بھی تھے۔ جتنے باوقار استاد تھے اتنے ہی مشفق مربی بھی تھے۔ طلبہ سے آپ کا تعلق محض استاد و شاگرد کا نہ تھا بلکہ ایک شفیق باپ اور مہربان سرپرست کا تھا۔ آپ طلبہ کی علمی رہنمائی کے ساتھ ساتھ ان کی اخلاقی تربیت اور فکری اصلاح کا بھی خصوصی اہتمام فرماتے تھے۔ یہی وجہ ہے کہ آپ کے شاگرد صرف آپ کی علمی قابلیت کے معترف نہیں بلکہ آپ کے اخلاقی کردار کے بھی مداح ہیں۔ راقم الحروف کے ساتھ آپ کے حسنِ سلوک کا ایک واقعہ آج بھی دل و دماغ میں تازہ ہے۔ جب میرے مضامین کا مجموعہ فکری مقالات شائع ہوا تو میں نے حضرت کو فون کیا۔ حضرت نے نہایت شفقت و محبت اور خلوص کے ساتھ گفتگو فرمائی اور دوسرے ہی دن اپنے گرانقدر تاثرات بذریعہ واٹس ایپ ارسال فرما دیے۔ یہ واقعہ بظاہر ایک معمولی معلوم ہوسکتا ہے لیکن حقیقت میں یہ آپ کی وسعتِ قلبی، اہلِ قلم کی قدر شناسی اور علمی حوصلہ افزائی کا واضح ثبوت ہے۔ موجودہ دور میں ایسے بزرگ کم ہی ملتے ہیں جو اپنی مصروفیات کے باوجود نو آموز قلم کاروں کی حوصلہ افزائی کو اپنا اخلاقی فریضہ سمجھتے ہوں۔
علامہ مبارک حسین مصباحی کی رحلت سے جو خلا پیدا ہوا ہے وہ بلاشبہ آسانی سے پر نہیں ہوسکے گا۔ ان کا وجود علم و تحقیق کا ایک مرکز، ادب و صحافت کا ایک معتبر حوالہ اور اخلاق و شرافت کا ایک حسین نمونہ تھا۔ ایسے لوگ صدیوں میں پیدا ہوتے ہیں اور جب رخصت ہوتے ہیں تو اپنے پیچھے یادوں، خدمات اور نقوش کا ایک ایسا سرمایہ چھوڑ جاتے ہیں جو مدتوں اہلِ علم کی رہنمائی کرتا رہتا ہے۔ آج جب ان کے وصال کی خبر دل کو ملال اور آنکھوں کو نم کرتی ہے تو ساتھ ہی یہ احساس بھی پیدا ہوتا ہے کہ حضرت نے اپنی زندگی کو کس قدر بامقصد بنایا تھا۔
انہوں نے شہرت کی تمنا نہیں کی، نمود و نمائش کی راہوں پر قدم نہیں رکھا بلکہ خاموشی کے ساتھ اپنے فرائض انجام دیتے رہے۔ یہی وجہ ہے کہ آج ان کے انتقال پر ہزاروں دل رنجیدہ، بے شمار آنکھیں اشکبار اور علمی حلقوں میں سوگواری کی کیفیت طاری ہے۔ آپ کا انتقال دراصل ایک ایسے چراغ کا بجھ جانا ہے جس کی روشنی سے بہت سے ذہن منور ہو رہے تھے۔ ایک ایسے قلم کا رک جانا ہے جس سے علم و ادب کی خوشبو پھیل رہی تھی۔ ایک ایسے معلم کا خاموش ہو جانا ہے جس کی آواز میں علم کی حرارت اور اخلاص کی تاثیر تھی۔
ہماری ویب سائٹ کو شیئر کریں اور مزید مضامین پڑھنے کے لیے ہوم پیج پر جائیں:
jamiaturrazastudents.com
jamiaturrazastudents.com
ایک ایسے مدیر کا رخصت ہو جانا جس نے صحافت کو محض خبر رسانی نہیں بلکہ اصلاحِ امت کا ذریعہ بنایا۔ الله تعالیٰ آپ کی مغفرت فرمائے، لغزشوں سے درگزر فرمائے، حسنات کو شرفِ قبولیت عطا فرمائے، قبر کو انوارِ رحمت سے معمور فرمائے اور جنت کے باغیچوں میں سے ایک باغیچہ بنائے، اپنے مقرب بندوں، صالحین، صدیقین، شہداء اور انبیائے کرام علیہم السلام کے مبارک قافلے میں جگہ عطا فرمائے۔ الله تعالیٰ جامعہ اشرفیہ مبارک پور، ماہنامہ اشرفیہ کے اربابِ انتظام، آپ کے اہلِ خانہ، تلامذہ، متعلقین، محبین اور تمام سوگواران کو صبرِ جمیل اور اجرِ جزیل عطا فرمائے۔ بلاشبہ آپ کی رحلت ایک عظیم علمی و صحافتی خسارہ ہے لیکن ان کی یادیں، خدمات، علمی آثار اور آپ کے تربیت یافتہ شاگرد ہمیشہ آپ کے لیے صدق جاریہ بنے رہیں گے اور آنے والی نسلوں کو یہ پیغام دیتے رہیں گے کہ اخلاص، علم، محنت اور حسنِ اخلاق ہی انسان کی اصل کامیابی کا سرمایہ ہیں۔
*کریم گنج،پورن پور،پیلی بھیت،مغربی اترپردیش
iftikharahmadquadri@gmail.com
iftikharahmadquadri@gmail.com
