سکون کیسے حاصل کریں؟ (قسط 9)

#دوسرا سبق: اللہ کی رضا میں سکون

دوسرے دن، مولوی غلام رسول نے کہا: بیٹا، سکون اس وقت ملتا ہے جب تو اللہ کے فیصلوں سے راضی ہو جائے۔
نبی صلی اللہ علیہ وسلم نے فرمایا:
“عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لأِحَدٍ إِلاَّ للْمُؤْمِن: إِنْ أَصَابَتْهُ سَرَّاءُ شَكَرَ فَكَانَ خَيْراً لَهُ، وَإِنْ أَصَابَتْهُ ضَرَّاءُ صَبَرَ فَكَانَ خيْراً لَهُ”
(صحیح مسلم)
مومن کا معاملہ عجیب ہے، اس کا ہر حال اس کے لیے بہتر ہے اور یہ صرف مومن کے لیے ہے: اگر اسے خوشی ملے تو شکر کرتا ہے، یہ اس کے لیے بہتر ہوتا ہے، اور اگر مصیبت آئے تو صبر کرتا ہے، یہ بھی اس کے لیے بہتر ہوتا ہے۔

جب نبی صلی اللہ علیہ وسلم کے بیٹے، حضرت ابراہیم، کی وفات ہوئی۔ آپ صلی اللہ علیہ وسلم کی آنکھوں سے آنسو بہہ رہے تھے، لیکن آپ نے فرمایا: اے ابراہیم! ہم تیرے لیے غمگین ہیں، لیکن ہم اللہ سے وہی کہیں گے جو اسے پسند ہے۔ (صحیح بخاری)۔

عرفان نے کہا: نانا، میری ماں بیمار ہیں۔ میں بہت پریشان ہوں۔
مولوی غلام رسول نے کہا: بیٹا، ان کی خیریت کے لیے دعا کر، لیکن جو اللہ چاہے اسے قبول کر۔
نبی صلی اللہ علیہ وسلم نے ہمیں سکھایا کہ اللہ کی رضا میں سکون ہے۔

عرفان نے اس رات اپنی ماں کے لیے دعا مانگی اور اللہ عزوجل کی بارگاہ میں عرض کیا: جو تیری مرضی، مجھے اس پر راضی رکھ۔
(جاری)

📝 شعیب خان نجمیؔ

Scan this QR code to read online: