صلوٰۃ و سلام

مصطفیٰ جان رحمت پہ لاکھوں سلام

✍️ Written by: Huzoor Aalhazrat Imam Ahmad Raza Khan علیہ الرحمہ

شمع بزم ہدایت پہ لاکھوں سلام

مہر چرخ نبوت پہ روشن درود

گل باغ رسالت پہ لاکھوں سلام

شہریار ارم تاجدار حرم

نوبہار شفاعت پہ لاکھوں سلام

شب اسریٰ کے دولہا پہ دائم درود

نوشۂ بزم جنت پہ لاکھوں سلام

عرش کی زیب و زینت پہ عرشی درود

فرش کی طیب و نزہت پہ لاکھوں سلام

نور عین لطافت پہ الفت درود

زیب و زین نظافت پہ لاکھوں سلام

سرو ناز قدم مغز راز حکم

یکہ تاز فضیلت پہ لاکھوں سلام

نقطۂ سر وحدت پہ یکتا درود

مرکز دور کثرت پہ لاکھوں سلام

صاحب رجعت شمس و شق القمر

نائب دست قدرت پہ لاکھوں سلام

جس کے زیر لوا آدم و من سوا

اس سزائے سیادت پہ لاکھوں سلام

عرش تا فرش ہے جس کے زیر نگیں

اس کی قاہر ریاست پہ لاکھوں سلام

اصل ہر بود و بہبود تخم وجود

قاسم کنز نعمت پہ لاکھوں سلام

فتح باب نبوت پہ بے حد درود

ختم دور رسالت پہ لاکھوں سلام

شرق انوار قدرت پہ نوری درود

فتق ازہار قدرت پہ لاکھوں سلام

بے سہیم و قسیم و عدیل و مثیل

جوہر فرد عزت پہ لاکھوں سلام

سر غیب ہدایت پہ غیبی درود

عطر جیب نہایت پہ لاکھوں سلام

ماہ لاہوت خلوت پہ لاکھوں درود

شاہ ناسوت جلوت پہ لاکھوں سلام

کنز ہر بے کس و بے نوا پر درود

حرز ہر رفتہ طاقت پہ لاکھوں سلام

پرتو اسم ذات احد پر درود

نسخۂ جامعیت پہ لاکھوں سلام

مطلع ہر سعادت پہ اسعد درود

مقطع ہر سیادت پہ لاکھوں سلام

خلق کے داد رس سب کے فریاد رس

کہف روز مصیبت پہ لاکھوں سلام

مجھ سے بے کس کی دولت پہ لاکھوں درود

مجھ سے بے بس کی قوت پہ لاکھوں سلام

شمع بزم دنیٰ ہو میں گم کن انا

شرح متن ہویت پہ لاکھوں سلام

انتہائے دوئی ابتدائے یکی

جمع تفریق و کثرت پہ لاکھوں سلام

کثرت بعد قلت پہ اکثر درود

عزت بعد ذلت پہ لاکھوں سلام

رب آلہ کی نعمت پہ آلہ درود

حق تعالیٰ کی منت پہ لاکھوں سلام

ہم غریبوں کے آقا پہ بے حد درود

ہم فقیروں کی ثروت پہ لاکھوں سلام

فرحت جان مومن پہ بے حد درود

غیظ قلب ضلالت پہ لاکھوں سلام

سبب ہر سبب منتہائے طلب

علت جملہ علت پہ لاکھوں سلام

مصدر مظہریت پہ اظہر درود

مظہر مصدریت پہ لاکھوں سلام

جس کے جلوے سے مرجھائی کلیا ں کھلیں

اس گل پاک منبت پہ لاکھوں سلام

قد بے سایہ کے سایۂ مرحمت

ظل ممدود رافت پہ لاکھوں سلام

طائران قدس جس کی ہیں قمریاں

اس سہی سرو قامت پہ لاکھوں سلام

وصف جس کا ہے آئینۂ حق نما

اس خدا ساز طلعت پہ لاکھوں سلام

جس کے آگے سر سروراں خم رہیں

اس سر تاج رفعت پہ لاکھوں سلام

وہ کرم کی گھٹا گیسوے مشک سا

لکۂ ابر رافت پہ لاکھوں سلام

لیلۃ القدر میں مطلع الفجر حق

مانگ کی استقامت پہ لاکھوں سلام

لخت لخت دل ہر جگر چاک‌ سے

شانہ کرنے کی عادت پہ لاکھوں سلام

دور و نزدیک کے سننے والے وہ کان

کان لعل کرامت پہ لاکھوں سلام

چشمۂ مہر میں موج نور جلال

اس رگ ہاشمیت پہ لاکھوں سلام

جس کے ماتھے شفاعت کا صحرا رہا

اس جبین سعادت پہ لاکھوں سلام

جن کے سجدے کو محراب کعبہ جھکی

ان بھووں کی لطافت پہ لاکھوں سلام

ان کی آنکھوں پہ وہ سایہ افگن مژہ

ظلۂ قصر رحمت پہ لاکھوں سلام

اشک باری مژگاں پہ برسے درود

سلک در شفاعت پہ لاکھوں سلام

معنی قد را مقصد ماطغیٰ

نرگس باغ قدرت پہ لاکھوں سلام

جس طرف اٹھ گئی دم میں دم آ گیا

اس نگاہ عنایت پہ لاکھوں سلام

نیچی آنکھوں کی شرم و حیا پر درود

اونچی بینی کی رفعت پہ لاکھوں سلام

جن کے آگے چراغ قمر جھلملائے

ان عذاروں کی طلعت پہ لاکھوں سلام

ان کے خد کی سہولت پہ بے حد درود

ان کے قد کی رشاقت پہ لاکھوں سلام

جس سے تاریک دل جگمگانے لگے

اس چمک والی رنگت پہ لاکھوں سلام

چاند سے منہ پہ تاباں درخشاں درود

نمک آگیں صباحت پہ لاکھوں سلام

شبنم باغ حق یعنی رخ کا عرق

اس کی سچی براقت پہ لاکھوں سلام

خط کی گرد دہن وہ دل آرا پھبن

سبزۂ نہر رحمت پہ لاکھوں سلام

ریش خوش معتدل مرہم ریش دل

ہالۂ ماہ ندرت پہ لاکھوں سلام

پتلی پتلی گل قدس کی پتیاں

ان لبوں کی نزاکت پہ لاکھوں سلام

وہ دہن جس کی ہر بات وحی خدا

چشمۂ علم و حکمت پہ لاکھوں سلام

جس کے پانی سے شاداب جان و جناں

اس دہن کی طراوت پہ لاکھوں سلام

جس سے کھاری کنویں شیرۂ جاں بنے

اس زلال حلاوت پہ لاکھوں سلام

وہ زباں جس کو سب کن کی کنجی کہیں

اس کی نافذ حکومت پہ لاکھوں سلام

اس کی پیاری فصاحت پہ بے حد درود

اس کی دل کش بلاغت پہ لاکھوں سلام

اس کی باتوں کی لذت پہ بے حد درود

اس کے خطبے کی ہیبت پہ لاکھوں سلام

وہ دعا جس کا جوبن قبول بہار

اس نسیم اجابت پہ لاکھوں سلام

جن کے گچھے سے لچھے جھڑیں نور کے

ان ستاروں کی نزہت پہ لاکھوں سلام

جس کی تسکیں سے روتے ہوئے ہنس پڑیں

اس تبسم کی عادت پہ لاکھوں سلام

جس میں نہریں ہیں شیٖر شکر کی رواں

اس گلے کی نضارت پہ لاکھوں سلام

دوش بردوش ہے جن سے شان شرف

ایسے شانوں کی شوکت پہ لاکھوں سلام

حجر اسود کعبۂ جان و دل

یعنی مہر نبوت پہ لاکھوں سلام

روئے آئینۂ علم پشت حضور

پشتی قصر ملت پہ لاکھوں سلام

کریں جس سمت اٹھا غنی کر دیا

موج بحر سماحت پہ لاکھوں سلام

جس کو بار دو عالم کی پروا ہم

ایسے بازو کی قوت پہ لاکھوں سلام

کعبۂ دین و ایماں کے دونوں ستوں

ساعدین رسالت پہ لاکھوں سلام

جس کے ہر خط میں ہے موج نور کرم

اس کف بحر ہمت پہ لاکھوں سلام

نور کے چشمے لہرائیں دریا بہیں

انگلیوں کی کرامت پہ لاکھوں سلام

عید مشکل کشائی کے چمکے ہلال

ناخنوں کی بشارت پہ لاکھوں سلام

رفع ذکر جلالت پہ ارفع درود

شرح صدر صدارت پہ لاکھوں سلام

دل سمجھ سے ورا ہے مگر یوں کہوں

غنچۂ راز وحدت پہ لاکھوں سلام

کل جہاں ملک اور جو کی روٹی غذا

اس شکم کی قناعت پہ لاکھوں سلام

جو کہ عزم شفاعت پہ کھنچ کر بندھی

اس کمر کی حمایت پہ لاکھوں سلام

انبیا تاکس کریں زانو ان کے حضور

زانوؤں کی وجاہت پہ لاکھوں سلام

ساق اصل قدم شاخ نخل کرم

شمع راہ اصابت پہ لاکھوں سلام

کھائی قرآں نے خاک گزر کی قسم

اس کف پا کی حرمت پہ لاکھوں سلام

جس سہانی گھڑی چمکا طیبہ کا چاند

اس دل افروز ساعت پہ لاکھوں سلام

نے سجدے پہ روز ازل سے درود

یادگاری امت پہ لاکھوں سلام

زرع شاداب و ہر ضرع پر شیٖر سے

برکات رضاعت پہ لاکھوں سلام

بھائیوں کے لیے ترک پستاں کریں

دودھ پیتوں کی نصفت پہ لاکھوں سلام

مہد والا کی قسمت پہ صدہا درود

برج ماہ رسالت پہ لاکھوں سلام

اللہ اللہ وہ بچپنے کی پھبن!

اس خدا بھاتی صورت پہ لاکھوں سلام

اٹھتے بوٹوں کی نشوونما پر درود

کھلتے غنچوں کی نکہت پہ لاکھوں سلام

فضل پیدایشی پر ہمیشہ درود

کھیلنے سے کراہت پہ لاکھوں سلام

اعتلائے جبلت پہ عالی درود

اعتدال طویت پہ لاکھوں سلام

بے بناوٹ ادا پر ہزاروں درود

بے تکلف ملاحت پہ لاکھوں سلام

بھینی بھینی مہک پر مہکتی درود

پیاری پیاری نفاست پہ لاکھوں سلام

میٹھی میٹھی عبارت پہ شیریں درود

اچھی اچھی اشارت پہ لاکھوں سلام

سیدھی سیدھی روش پر کروروں درود

سادی سادی طبیعت پہ لاکھوں سلام

روز گرم و شب تیرہ و تار میں

کوہ و صحرا کی خلوت پہ لاکھوں سلام

جس کے گھیرے میں ہیں انبیا و ملک

اس جہاں گیر بعثت پہ لاکھوں سلام

ادھے شیشے جھلاجھل دمکنے لگے

جلوہ ریزی دعوت پہ لاکھوں سلام

لطف بیداری شب پہ بے حد درود

عالم خواب راحت پہ لاکھوں سلام

خندۂ صبح عشرت پہ نوری درود

گریۂ ابر رحمت پہ لاکھوں سلام

نرمی کھوئے لینت پہ دائم درود

گرمی شان سطوت پہ لاکھوں سلام

جس کے آگے کھنچی گردنیں جھک گئیں

اس خداداد شوکت پہ لاکھوں سلام

کس کو دیکھا یہ موسیٰ سے پوچھے کوئی

آنکھوں والوں کی ہمت پہ لاکھوں سلام

گرد مہ دست انجم میں رخشاں ہلال

بدر کی دفع ظلمت پہ لاکھوں سلام

شور تکبیر سے تھرتھراتی زمیں

جنبش جیش نصرت پہ لاکھوں سلام

نعرہائے دلیراں سے بن گونجتے

غرش کوس جرأت پہ لاکھوں سلام

وہ چقاچاق خنجر سے آتی صدا

مصطفیٰ تیری صولت پہ لاکھوں سلام

ان کے آگے وہ حمزہ کی جاں بازیاں

شیر گراں سطوت پہ لاکھوں سلام

الغرض ان کے ہر مو پہ لاکھوں درود

ان کی ہر خو و خصلت پہ لاکھوں سلام

ان کے ہر نام و نسبت پہ نامی درود

ان کے ہر وقت و حالت پہ لاکھوں سلام

ان کے مولا کی ان پر کروروں درود

ان کے اصحاب و عترت پہ لاکھوں سلام

پارہائے صحف غنچہ ہائے قدس

اہل بیت نبوت پہ لاکھوں سلام

آب تطہیر سے جس میں پودے جمے

اس ریاض نجابت پہ لاکھوں سلام

خون خیرالرسل سے ہے جن کا خمیر

ان کی بے لوث طینت پہ لاکھوں سلام

اس بتول جگر پارۂ مصطفی

حجلہ آرائے عفت پہ لاکھوں سلام

جس کا آنچل نہ دیکھا مہ و مہر نے

اس ردائے نزاہت پہ لاکھوں سلام

سیدہ ظاہرا طیبہ طاہرہ

جان احمد کی راحت پہ لاکھوں سلام

حسن مجتبیٰ سید الاسخیا

راکب دوش عزت پہ لاکھوں سلام

اوج مہر ہدیٰ موج بحر ندیٰ

روح روح سخاوت پہ لاکھوں سلام

شہد خار لعاب زبان نبی

چاشنی گیر عصمت پہ لاکھوں سلام

اس شہید بلا شاہ گلگوں قبا

بے کس دشت غربت پہ لاکھوں سلام

در درج نجف مہر برج شرف

رنگ رومی شہادت پہ لاکھوں سلام

اہل اسلام کی مادران شفیق

بانوان طہارت پہ لاکھوں سلام

جلوگیان بیت الشرف پر درود

پردگیان عفت پہ لاکھوں سلام

سیما پہلی ماں کہف امن و اماں

حق گزار رفاقت پہ لاکھوں سلام

عرش سے جس پہ تسلیم نازل ہوئی

اس سرائے سلامت پہ لاکھوں سلام

منزل من قصب لا نسب لاصخب

ایسے کوشک کی زینت پہ لاکھوں سلام

بنت صدیق آرام جان نبی

اس حریم براء ت پہ لاکھوں سلام

یعنی ہے سورۂ نور جن کی گواہ

ان کی پر نور صورت پہ لاکھوں سلام

جن میں روح اے لقدس بے اجازت نہ جائیں

ان سرادق کی عصمت پہ لاکھوں سلام

شمع تابان کاشانۂ اجتہاد

مفتی چار ملت پہ لاکھوں سلام

جاں نثاران بدر و احد پر درود

حق گزاران بیعت پہ لاکھوں سلام

وہ دسوں جن کو جنت کا مژدہ ملا

اس مبارک جماعت پہ لاکھوں سلام

خاص اس سابق سیر قرب خدا

اوحد کاملیت پہ لاکھوں سلام

سایۂ مصطفیٰ مایۂ اصطفیٰ

عزو ناز خلافت پہ لاکھوں سلام

یعنی اس افضل الخلق بعدالرسل

ثانی اثنین ہجرت پہ لاکھوں سلام

اصدق الصادقیں سیدالمتقیں

چشم و گوش وزارت پہ لاکھوں سلام

وہ عمر جس کے اعدا پہ شیدا سقر

اس خدا دوست حضرت پہ لاکھوں سلام

فارق حق و باطل امام الہدیٰ

تیغ مسلول شدت پہ لاکھوں سلام

ترجمان نبی ہم زبان نبی

جان شان عدالت پہ لاکھوں سلام

زاہد مسجد احمدی پر درود

دولت جیش عسرت پہ لاکھوں سلام

در منصور قرآں کی سلک بہی

زوج دو نور عفت پہ لاکھوں سلام

یعنی عثمان صاحب قمیص ہدیٰ

حلہ پوش شہادت پہ لاکھوں سلام

مرتضیٰ شیر حق اشجع الاشجعیں

ساقی شیٖر و شربت پہ لاکھوں سلام

اصل نسل صفا وجہ وصل خدا

باب فصل ولایت پہ لاکھوں سلام

اولیں دافع اہل رفض و خروج

چارمی رکن ملت پہ لاکھوں سلام

شیر شمشیر زن شاہ خیبر شکن

پرتو دست قدرت پہ لاکھوں سلام

ماحی رفض و تفضیل و نصب و خروج

حامی دین و سنت پہ لاکھوں سلام

مومنیں پیش فتح و پس فتح سب

اہل خیر و عدالت پہ لاکھوں سلام

جس مسلماں نے دیکھا انہیں اک نظر

اس نظر کی بصارت پہ لاکھوں سلام

جن کے دشمن پہ لعنت ہے اللہ کی

ان سب اہل محبت پہ لاکھوں سلام

باقی ساقیان شراب طہور

زین اہل عبادت پہ لاکھوں سلام

اور جتنے ہیں شہزادے اس شاہ کے

ان سب اہل مکانت پہ لاکھوں سلام

ان کی بالا شرافت پہ آلہ دردو

ان کی والا سیادت پہ لاکھوں سلام

شافعی مالک احمد امام حنیف

چار باغ امامت پہ لاکھوں سلام

کاملان طریقت پہ کامل درود

حاملان شریعت پہ لاکھوں سلام

غوث اعظم امام التقیٰ والنقیٰ

جلوۂ شان قدرت پہ لاکھوں سلام

قطب ابدال و ارشاد و رشدالرشاد

محیی دین و ملت پہ لاکھوں سلام

مرد خیل طریقت پہ بے حد درود

فرد اہل حقیقت پہ لاکھوں سلام

جس کی منبر ہوئی گردن اولیا

اس قدم کی کرامت پہ لاکھوں سلام

شاہ برکات و برکات پیشینیاں

نوبہار طریقت پہ لاکھوں سلام

سید آل محمد امام الرشید

گل روز ریاضت پہ لاکھوں سلام

حضرت حمزہ شیر خدا و رسول

زینت قادریت پہ لاکھوں سلام

نام و کام و تن و جان و حال و مقال

سب میں اچھے کی صورت پہ لاکھوں سلام

نور جاں عطر مجموعہ آل رسول

میرے آقائے نعمت پہ لاکھوں سلام

زیب سجادہ سجاد نوری نہاد

احمد نور طینت پہ لاکھوں سلام

بے عذاب و عتاب و حساب و کتاب

تاابد اہل سنت پہ لاکھوں سلام

تیرے ان دوستوں کے طفیل اے خدا

بندۂ ننگ خلقت پہ لاکھوں سلام

میرے استاد ماں باپ بھائی بہن

اہل ولد و عشیرت پہ لاکھوں سلام

ہوئے میرا ہی رحمت میں دعوی ہم

شاہ کی ساری امت پہ لاکھوں سلام

کاش محشر میں جب ان کی آمد ہو اور

بھیجیں سب ان کی شوکت پہ لاکھوں سلام

مجھ سے خدمت کے قدسی کہیں ہاں ! رضاؔ

مصطفیٰ جان رحمت پہ لاکھوں سلام

دیگر تحریریں یا کلام پڑھنے کے لئے کارڈ پر کلک کریں

Huzoor Aalhazrat Imam Ahmad Raza Khan علیہ الرحمہ

اس کاتب/شاعر کی تفصیل موجود نہیں ہے۔

Profile

ٱلْحَمْدُ لِلَّٰهِ رَبِّ ٱلْعَالَمِينَ

Articles 1

Kalam 127

حمد باری تعالیٰ

23 Aug, 2026

تیری جلالتوں کا جلوہ کہاں کہاں ہے

تیری ہی عظمتوں کا چرچا یہاں وہاں ہے

جس سمت دیکھتا ہوں تیرا کرم عیاں ہے

*طیبہ کا ذرہ ذرہ مانندِ کہکشاں ہے*

19 Aug, 2026

ہے پاک رُتبہ فکر سے اُس بے نیاز کا

کچھ دَخل عقل کا ہے نہ کام اِمتیاز کا

شہ رَگ سے کیوں وِصال ہے آنکھوں سے کیوں حجاب

کیا کام اس جگہ خردِ ہرزہ تاز کا

19 Aug, 2026

شکرِ خالق کس طرح سے ہو ادا

اِک زباں اور نعمتیں بے اِنتہا

پھر زباں بھی کس کی مجھ ناچیز کی

وہ بھی کیسی جس کو عصیاں کا مزا

19 Aug, 2026

فکر اَسفل ہے مری مرتبہ اَعلٰی تیرا

وَصف کیا خاک لکھے خاک کا پتلا تیرا

طور پر ہی نہیں موقوف اُجالا تیرا

کون سے گھر میں نہیں جلوۂ زیبا تیرا

02 Aug, 2026

بلبل و قمری کے لب پر ہے صدا پروردگار

دیتا ہے پھولوں کو رنگِ خوش نما پروردگار

تیرا جلوہ چار سو تیری حکومت کو بہ کو

حق ہے تو، توہی خدا، ربّ علا، پرور دگار

27 Jul, 2026

حمد باری تعالیٰ ۔ بحکم شیخ الحدیث حضور مفتی صالح صاحب قبلہ – تو ہے خالق برایا تری بے عدد عطایا

حمد باری تعالیٰ ۔ بحکم شیخ الحدیث حضور مفتی صالح صاحب قبلہ

تو ہے خالق برایا تری بے عدد عطایا

تجھے حمد ہے خدایا تجھے حمد ہے خدایا

تجھے حمد ہے ۔۔۔۔۔

27 Jul, 2026

نہ اس کی ابتدا نہ انتھا ہے

ازل سے ہے اسی کو بس بقا ہے

گلستان جہاں کا ایک اک گل

نکھار اپنا تجھی سے پا رہا ہے

17 Jul, 2026

العقد الفريد في حمد الرب المجيد

يَا مَنْ تَعَالَى فِي جَلَالِ وَقَارِهٖ

وَأَفَاضَ بَحْرَ الْجُودِ مِنْ أَنْهَارِهٖ

حَمْدًا کَثِیرًا طَیِّبًا أَبَدًا لَهٗ

مَا شَعَّ نُورُ الصُّبْحِ مِنْ أَسْتَارِهٖ

Explore More

Go to Category Page

https://jamiaturrazastudents.com/poetry-category/حمد-باری-تعالیٰ/

تمام زمرہ جات

361 کلام

مناقب

21 کلام

منقبت حضور غوث اعظم رضی اللہ تعالیٰ عنہ

مزید کلام پڑھیں

10 کلام

منقبت در شان امام عالی مقام حضرت امام حسین

مزید کلام پڑھیں

7 کلام

منقبت حضور تاج الشریعہ

مزید کلام پڑھیں

6 کلام

منقبت حضور خواجہ غریب نواز

مزید کلام پڑھیں

6 کلام

منقبت اہل بیت اطہار

مزید کلام پڑھیں

5 کلام

منقبت حضور مفتی اعظم ہند

مزید کلام پڑھیں

4 کلام

ذکر میلاد مصطفی ﷺ

مزید کلام پڑھیں

4 کلام

منقبت حضور اعلیٰ حضرت امام احمد رضا خان

مزید کلام پڑھیں

3 کلام

منقبت حضور احسن العلماء مارہروی علیہ الرحمہ

مزید کلام پڑھیں

3 کلام

منقبت حضور سید ابوالحسین نوری

مزید کلام پڑھیں

2 کلام

منقبت حضور سید اویس مصطفی واسطی

مزید کلام پڑھیں

2 کلام

منقبت حضور مجاہد ملت علیہ الرحمہ

مزید کلام پڑھیں

ہمارے ٹاپ 12 شعراء Top 10 Poets

Huzoor Aalhazrat Imam Ahmad Raza Khan علیہ الرحمہ

127

Md Abul Kalam Azad Markazi

109

Safinaye Bakhshish [Huzoor Tajush Sharia Alaihir Rahma]

Mufti Rashid Raza Markazi

محمد شعیب خان نجمیؔ مرکزی

Abdul Rakeeb khan owaisi Markazi

Mufti Md Faisal Raza Saleh Markazi

Muhammad Anas Raza Haami

Mohd Qasim ul Qadri Markazi

Sabahat Hussain Markazi

Rihan Khan Owaisi Markazi

Amir Fuzail Markazi

All Poets

Explore the complete directory of our talented poets and literary scholars.

25+ Total Poets

⭐

Top Poets

Learn about famous poets, writers, and highly active literary personalities.

12 Top Poets

All Poetry

Read the newest verses, ghazals, and comprehensive poetic publications.

621+ Total Poems

💎

Featured Poetry

Discover the most read and trending poetic masterpieces actively engaging the community.

100 Masterpieces

صلی اللہ علی محمد صلى الله على محمد صلی اللہ علیہ وسلم

مصطفیٰ جان رحمت پہ لاکھوں سلام

Huzoor Aalhazrat Imam Ahmad Raza Khan علیہ الرحمہ

نعمت و رحمتِ یزدان رسول عربی

اے مدینے کے شہریار سلام

متعلقہ کلام

تازہ ترین کلام

حضور ﷺ میری پکار سن لیں

بَيْنَ الْوَفَاءِ وَالْجَفَاءِ

أُنْشُودَةُ التَّبْرِيكِ وَأَدْعِيَةُ التَّوْفِيقِ

مَنْقَبَةٌ فِي شَانِ سَيِّدِنَا الإمامِ الْحُسَيْنِ رَضِيَ اللَّهُ عَنْهُ

مدحُ خیرِ البریة ﷺ

دُرُّ السَّحَاب فِي مَدْحِ حَفِيدِ الْإِمَامِ الْمُسْتَطَاب

استغاثة بِنورِ الهُدَى ﷺ

شُكْرُ الْوَهَّاب عَلٰی مَوْلِدِ قُرَّةِ الْعَيْنِ مُحَمَّد أَرْقَم رِضَا حُبَاب

منقبة في مدح الشيخ المفتي محمد عاشق الرحمن الحبيبي خمار القادري نور الله مرقده

منقبت في مدح سيدة نساء العالمين فاطمة الزهراء رضي الله تعالى عنها

مَرْحَبًا يَا شَهْرَ جُودٍ وَ سَلَامْ

مدح خاتم النبیین ﷺ

Top 100 Recent Poetry

حضور ﷺ میری پکار سن لیں

بَيْنَ الْوَفَاءِ وَالْجَفَاءِ

أُنْشُودَةُ التَّبْرِيكِ وَأَدْعِيَةُ التَّوْفِيقِ

مَنْقَبَةٌ فِي شَانِ سَيِّدِنَا الإمامِ الْحُسَيْنِ رَضِيَ اللَّهُ عَنْهُ

مدحُ خیرِ البریة ﷺ

دُرُّ السَّحَاب فِي مَدْحِ حَفِيدِ الْإِمَامِ الْمُسْتَطَاب

استغاثة بِنورِ الهُدَى ﷺ

شُكْرُ الْوَهَّاب عَلٰی مَوْلِدِ قُرَّةِ الْعَيْنِ مُحَمَّد أَرْقَم رِضَا حُبَاب

منقبة في مدح الشيخ المفتي محمد عاشق الرحمن الحبيبي خمار القادري نور الله مرقده

منقبت في مدح سيدة نساء العالمين فاطمة الزهراء رضي الله تعالى عنها

مَرْحَبًا يَا شَهْرَ جُودٍ وَ سَلَامْ

مدح خاتم النبیین ﷺ

نعتُ النبيِّ المصطفى ﷺ

نورٌ تجلّى في سما شعبانٖ

منقبة في مدح سيدنا معاوىة بن أبي سفيان رضي الله تعالى عنهما و ارضاهما عنا

قصیدۃ النجمی فی المدیح النبوی

منقبة في مدح إمام الأعظم سيدنا أبي حنيفة النعمان بن ثابت رضي الله عنه و ارضاه عنا

سَلِ القَطَرَاتِ

نعت خاتم النبیین ﷺ

زمانہ کیا سمجھ پائے مقام اختر رضا خاں کا

کتنی فزوں ہے عظمت سلطان اولیاء

درد کی کوئی انتہا ہی نہیں

“نبی کے شہر مقدس میں وہ قضا”چاہے

محفل شاہ امم جس کے بھی گھر ہوتی ہے

عطائے مصطفیٰ ،شاہ ہدیٰ ہیں غوث جیلانی

والضحی والشمس ہیں جس کے رخ تاباں کی مدح

سرکار ﷺ کی گر ہم پہ عنایت نہیں ہوتی

بھتیجے کی ولادت کے موقع پر

ہماری نگاہوں میں سارا زماں ہے

منقبت حضور سید اویس مصطفی واسطی بلگرامی مدظلہ العالی والنورانی

مجھ کو دیدار جب یار کا ہو گیا

منقبت در شانِ قلم رضا- سمندر میں چرچا، رضا کے قلم کا

میرے بکھرے ہوئے دل کو بھی سجایا ہر بار

ہم سے جسے بھی چاہت و الفت نہیں رہی

ذکرِ سرکار مری زیست کا عنوان ہوا

میں نے جب ڈھونڈا تو پاس اپنے ہی پایا ہر بار

گر کسی شخص سے الفت نہیں ہوتی مجھ کو

ہرا بھرا ہے گلستان مفتیِ اسلم

کہیں فرعون بیٹھا ہو کہیں شداد بیٹھا ہو

فرعون کو بھگایا تو نمرود آ گیا

مدتوں بعد مقدر میں وہ لمحہ آیا

دستار افتا تیری ہے شوکت ابو الکلام

دستار فضیلت کی عجب شان ہے حیدر

تجھ پر ہے اکابر کی عنایت اے رفاقت

گمرہی میں جا رہے ہیں بھولے سنی ہائے ہائے

چمک جائے فن تیرا عبد المصوّر

ذرے ذرے پہ شہِ دیں کی نظر ہوتی ہے

ہاں اُسی کو خسروی ہے دستیاب

شَرِّی ہیں نابکار ہیں علمائے دیوبند

بخت ہے اوجِ فلک پر مرے یارا تیرا

اندھیرا چھٹ گیا ہر سمت سے ظلم و جہالت کا

عزت ، وقار ، جاہ و حشم ، مرتبہ دیا

جو ذرے مس ہوئے شاہِ اُمم کے پاؤں سے

دلوں کوخوب بھائ ہے مرے شمشیر کی دستار

دیکھتے ہی جچتا ہے سہرا ضیاالدین کا

تمہارے واسطے لائے ہیں ہم سب ہار ظفر الدین

نقائص سے منزہ طاہر و اطہر بنایا ہے

ہوتا ہے افسوس مجھ کو یہ تماشا دیکھ کر

عزت ، وقار ، شہرت و سطوت کا فائدہ

عشق بازی کا تماشہ اور ہے

صلی اللہ علی محمد
صلى الله على محمد صلی اللہ علیہ وسلم

بیٹھنا ، سوچنا، بولنا ، نعت ہے