شب برأت

یہ رات بزرگی قدر جہنم سے آزادی دلانے والی رات ہے جیسا کہ نام (شب برأت) سے ہی ظاہر ہے آج کی رات عبادت وریاضت میں گزاریں ،

حدیث پاک میں ہے اللہ رب العزت آسمان دنیا کی طرف متوجہ بہ رحمت ہوتا ہے اور قبیلہ بنو کلب کے بھیڑوں کے بالوں کے برابر لوگوں کی مغفرت فرماتا ہے مگر آپس میں بلا سبب شرعی کینہ رکھنے والے، ماں باپ کے نافرمان ، باجا گاجا بجانے والے، زانی ، شرابی، جوا کھیلنے والے، مشرک ، ظلم و جبر کرنے والے ، نجومی کاہن ،،،، ان سب کی مغفرت نہیں فرماتا ہے ماں باپ بھائ بہن ذو رحم کے جن حقوق کی پامالی ہوئی اس کا تصفیہ کریں معافی طلب کریں دلوں کو پاک کرکے بارگاہ خداوندی میں حاضر ہوں ۔

پٹاخے، ڈھول تاشے باجے بلا ضرورت ادھر ادھر رات جاگ کر وقت گزاری دنیاوی باتیں فحش گوئی چراغ جلانے موم بتی روشن کرنے اور تمام لھو لعب سے دور رہیں اپنے رب کے حضور نیک نیتی کے ساتھ صاف ستھرا پاکیزہ انداز میں حاضر ہوں ۔

جن حضرات کی فرض نمازیں قضاء ہیں وہ سب آج کی رات قضاء نمازوں کا اہتمام کریں نفل کی طرف متوجہ نہ ہوں اور تمام مومنین و مومنات کے جان مال عزت آبرو کی لئے دعا کریں اللہ تعالی ہم سب کے گناہوں کو اس مبارک رات کے صدقے معاف فرمائے نیکی کی توفیق عطا فرمائے شریعت مصطفی پر چلنے کی توفیق نصیب کرے تمام جہان کے مومنین کی عزت آبرو جان مال آل اولاد کو ظالمین کے ظلم شریروں کے شر حاسدین کے حسد سے محفوظ رکھے آمین بجاہ سید المرسلین صلی اللہ علیہ وسلم

فقیر قادری کو بھی اپنی دعاؤں میں یاد رکھیں مجھ سے اگر کوئ خطا سرزد ہوئی ہے تو اس کو معاف فرمائے اللہ آپ کو اجر عظیم عطا فرمائے

Scan this QR code to read online: