اودھ کی ایک یادگار شام

شب کی تاریکی صبح کے اجالے میں تحلیل ہو رہی تھی روز کی طرح نماز فجر کے بعد پھولوں کے بستر پر تھا یکایک خبر ملی کی اودھ ہمارا منتظر ہے ہم بے سر و سامان تھے وقت قریب تھا گاڑی دروازے آچکی تھی
تہائ سے زائد راہ تو ذھن کے ناز و نخرے اٹھانے میں گزر گئ کسی طرح قابو پایا جانا تھا قریبی کی عیادت میں مگر زندگی نام کاہے کا اگر کروٹ نا لے درمیان میں ہی اتر کر آمین باد کی جانب رخ کیا چوک کی جانب آتے وقت ایک آٹو رکشہ پر سوار ہوا ڈرائیور کے قریب ہی بیٹھ گیا نور علم سے بے نور شخص کی باتیں اردو تہذیب کا پورا اثر لئیے ہوئے تھیں ۔

ایک قیمتی گاڑی سے آگے نکل کر مسکراتے ہوئے کہنے لگا کہ ہم سے آگے تھیں ابھی تک آ نہ سکیں جملے سادے تھے مگر اردو تہذیب کا لباس زیب تن کئے تھے دوسرے رکشے میں ایک سن رسیدہ شخص مل گئے ظاہر پراگندہ اوپر سے غربت کے آثار نمایاں تھے لیکن دل کا امیر شخص تھا توکل کے عجب رنگ کھلا رہا تھا اللہ پر اعتماد کا ہر لفظ درس دے رہا تھا ۔

ان کی باتوں سے دل کو سکون حاصل ہو رہا تھا مگر پھر بزرگ کی منزل ہم سے پہلے آگئی بہت سی مثبت غیر معمولی باتوں سے محروم رہ گئے وقت بھی اپنی رفتار لئے ہوا تھا کب شام ہوگئ پتا بھی نہیں لگا ہاں شام کے بادل آئے تو اودھ کی خوبصورتی میں اضافہ ہوتا گیا ہم نے بھی ذاتی طور پر محسوس کیا کہ یوں ہی نہیں اودھ کی شام مشہور ہے حسین شام کی خوبصورت یادوں میں مگن گھر آ پہنچا لیکن شاید دل وہیں چھوڑ آیا ۔

اتنی گفتگو کر لیا اور یہ تو بتانا ہی بھول گیا کہ وہیں ایک مکتبے میں جانا ہوا کچھ ادب کی کتابوں کی زیارت کی خواہش ہوئی دیکھا تو نامانوس افراد کی تصنیف پر دل نہیں جما لیکن وہیں ابن صفی بھی اسی صف میں تھے کبھی پڑھا نہیں تھا نام سن رکھا تھا دو چند کتابیں خرید لیں گاڑی میں لوٹا تو اسی دھن میں دو چند ورق الٹ لئے آغاز میں تو زبردستی دو چند ورق پڑھا مگر دو چند ورق کے بعد ہی کتنے ورق پڑھ ڈالے معلوم نہیں نہایت سلیس زبان اور منفرد انداز اختیار کیا قدیم ادباء سے منحرف ایک الگ ہی ادب کی تحریک چلائی جس کو جاسوسی ادب کہا جاتا ہے انھوں نے خاص طور سے اپنی تحریر میں قانون کی رعایت پر زور دیا اور کہا کہ قانون سے لا علمی قانون شکنی کی سزا سے نہیں بچا سکتی اس لئے اس کی طرف توجہ مبذول کرائی ۔

آخر کار ایسا مست تھا کہ دل رکھنے کو راضی نہیں تھا مگر قلب تو قلب ہے ہی اور زندگی بھی ایک انقلاب ہے بالآخر رکھ دیا ۔۔۔

Scan this QR code to read online: