میرا محبوب

اس بھری کائنات میں ہر کوئی کسی نہ کسی سے دل لگائے بیٹھا ہے۔۔کوئی جب کسی کو دل دے بیٹھے تو پھر لالہ رخوں مہ جبینوں کا قافلہ سامنے سے گزر جائے وہ مست و بےخود دیوانہ نگاہ اٹھانے کی بھی زحمت نہیں کرتا۔۔محبوب کے دلنشیں چہرے کے سامنے کائنات کی ساری چیزیں پھیکی لگتی ہیں۔۔وہ چاہتا ہے محبوب سامنے رہے۔۔محبوب باتیں کرتے رہے۔

محبوب کی ہر ادا اسے سکون کی ٹھنڈک فراہم کرتی ہے۔۔محبوب جب مسکرائے اسے لگتا ہے کائنات کی ساری چیزیں مسکرا رہی ہیں۔۔ یو کہئے کائنات کی ساری رعنائیاں ایک ذات میں سمٹ کر آجاتی ہیں۔۔خیر سے میرا محبوب بھی یکتائے زمانہ ہے۔۔حسن و دلکشی میں بے مثال۔۔طرزِ معاشرت میں منفرد۔۔ایسا محبوب کہ ان جیسا محبوب دہر میں ڈھونڈتے ڈھونڈتے تھک جاؤگے کہیں نہیں پاؤگے۔۔ کمیاب نہیں نایاب ہے میرا محبوب۔۔اپنی مثال آپ ہے میرا محبوب۔۔۔جو ان کو ایک بار دیکھا دل ہار بیٹھا۔۔ایسا پیارا کہ ممکن ہی نہیں کہ ان کی طرف دل نہ کھنچے۔ وہ دلکشا محبوب جہاں جلوہ فگن ہوجائے۔۔رحمتوں کا مینہ برسے۔۔سمجھو وہاں خوشیوں کا جزیرہ آباد ہو جائے۔۔پتا ہے کون ہے وہ محبوب۔۔سنو بتاتا ہوں۔۔علوم و معارف کی بہتی گنگا۔۔اسمانِ فضل و کمال کا درخشندہ ستارہ۔۔شکستہ دلوں کا مضبوط سہارا ۔..رفعت و بلندی کا استعارہ۔۔استقامت کا کوہِ ہمالہ۔۔مردِ حق آگاہ۔۔۔ فقیہِ دوراں علامہ مفتی اختر رضا خاں ازہری نور اللہ مرقدہ۔

آپ کی شخصیت میں اللہ جل و علا نے کس قدر جاذبیت رکھی تھی کہ آپ کی آمد کی خبر سنتے ہی دیوانے دور دراز علاقے سے کشاں کشاں چلے آتے۔ایسی قدآور شخصیات صدیوں بعد پیدا ہوتی ہیں۔آپ نے اپنی تابناک زندگی کا موقف دو ٹوک لفظوں میں بیان کرکے کہ ۔

@نبی سے جو ہو بیگانہ اسے دل سے جدا کردیں
پدر مادر برادر مال و جاں ان پر فدا کردیں

ہم غلاموں کے ایمان کو محفوظ فرما دیا اور بتادیا کہ اے انسانی مخلوق دین و سنیت کی ترویج و اشاعت ہی تمہاری زندگی کا مقصد عظیم ہے

@مسلکِ اعلی حضرت پہ قائم رہو
زندگی دی گئی ہے اسی کے لئے

ملت فروشوں پر کاری ضرب لگاتے ہوئے ارشاد فرمایا

@صلح کلی نبی کا نہیں سنیوں
سنی مسلم ہے سچا نبی کے لئے
المختصر جاتے جاتے ارشاد فرمایا
اخترِ قادری خلد میں چل دیا

حضرت خلد بریں میں جاپہونچے–فداکاروں کی نگاہِ امید حضرت پر–حضرت ہم غلاموں کا کیا بنے گا–وہ بھی ہم غلاموں کو کہاں بے آسرا چھوڑنے والے فرمانے لگے

@خلدوا ہے ہر اک قادری کے لئے

✍🏻نبیل ظفر پورنوی مرکزی

Scan this QR code to read online: