تقریظ (کتاب: کذاب کون)

علم وآگہی، زہد وورع، عشق ووارفتگی ،سوز وگداز،صدق ووفااوردینی حمیت کے گنجینہ کا نام امام احمد رضا خان فاضل بریلوی ہے جنھوں نے اپنے جانی دشمن اور کٹر مخالف کو تو در گزر کردیا لیکن عزت رسول اللہ صلی اللہ علیہ والہ وسلم پر انگشت نمائی کرنے والے کو قطعا معاف نہیں کیابلکہ اس کے ردوابطال کواپنا دینی فریضہ سمجھااور اس طرح ناموس رسالت پر تا دم واپسی پہرہ دیتے رہے یہی وجہ ہے کہ آپ نےسب سے زیادہ رد بدمذہباں پر کتابیں تصنیف فرمائیں اور امت مسلمہ کی ہر محاذ پر رہنمائی فرمائی جو ایک مجدد کی دینی وملی ذمہ داری ہوتی ہے مگر اس امر سے بھی انکار نہیں کیا جا سکتا کہ اس پر خطر راہ میں دشمنان دین اور حاسدین سب سے نبرد آزما ہونا پڑتا ہے اور حقائق سے دور الزام تراشیوں کا نشانہ بنناپڑتا ہے یہی کچھ امام اھل سنت کے ساتھ بھی ہوا کہ جب فرقہ دیوبندیہ نے آپ کے دلائل کے سامنے دم توڑ دیا اور ان سے جواب نہیں بن پڑا تو آپ کے خلاف سب وشتم اور دروغ گوئی سے پر صفحات کے صفحات کالے کردیئے جیسے کتاب بریلویت، المھند علی المفند وغیرہ کہ ان کے سیاہ فام صفحات آج بھی اپنے مصنفین کے جھوٹ کی کہانی سنا رہے اور ان کی بے بنیاد باتوں کا پردہ چاک کررہے ہیں ۔

اور یاد رہے کہ یہ قوم آج بھی اسی شیطانیت کا کھیل رہی ہے اور اس منظم سازش کو پورا کرنے کے لئے اس نے الیاس گھمن جیسے ايمان فروش لوگوں کو مسلط کر رکھا ہےجو امام اھل سنت کے خلاف ریشہ دوانیوں اور کذب بیانیوں کا بازار گرم کررہے ہیں مگر اللہ جزائے خیر دے علمائے اھل سنت کو جو ان کور باطن اور بدبختوں کے مکر وفریب سے نقاب کشائی کرکے حق وصداقت کی من بھاتی صورت دکھاکر متاع رشد وہدایت فراہم کرتے اور اپنی جماعت کا کبھی بھی سرنگوں نہیں ہونے دیتے ہیں اسی مبارک ومسعود اور لائق تشکر خدمات کی انجام دہی میں ایک نام جامعہ الرضا جماعت ثامنہ2025ء کےایک ہونہار طالب علم *مولانا محمد عامر فضیل مرکزی* کا کہ جنھوں نے دیوبندیوں کےنام نہاد متکلم مولوی الیاس گھمن کے امام اھل سنت پر کئیے گئے سترہ اعتراضات کے ایسے دندان شکن جوابات دئے ہیں جو در حقیقت دیوبندیوں کے گلی کی ہڈی بنیں گے جو نہ نگلتے بنیں نہ اگلتے رب تعالی موصوف سلمہ المنان کو یوں ہی اپنے دین متین کی خدمت میں ہمیشہ مصروف رکھے اور مزید زور قلم بخشے
آمین یارب العالمین۔

محمد شہزاد عالم رضوی خادم التدريس مرکز الدراسات الاسلامیہ جامعہ الرضا بریلی شریف

Scan this QR code to read online: